Pehle wali baat ab kaha'n..

wo pehle wali baat ab kaha'n

wo  jazbey wo khayalaat ab kaha'n

der tak dekha tha tumko door tak..

khushk aankhon me sawalaat ab kahan

in dar-o-diwar ko yu'n na dekho tum

ek habs hai inke mere darmiyaa'n

mere khad o khaal ko yun na jhanko tum

dhal chuke ho tum bhi jana'n, ab kaha'n!

mujhse mera haasil kuchh na poochho tum

tum bhi nazre'n mat churaao ab yahaa'n

kuchh nahi kehne ko ab!

sunne ka kuchh bhi dil nhi

wo rabt tha k junoon tha,

ishq tha ya dil kashi

wo jo bhi tha, 

wo mar chuka

wo marhala guzar chuka

koi khwaab thi wo zindagi

ek saraab thi wo zindagi..

kuchh nhi hai ab yahan

sb ho chuka dhuwan dhuwan 

wo zauq-o-shauq-o-shokhiya'n

wo rat-jagey wo mastiya'n

wo ham nafas wo jan-e-ja'n

wo mehfilon ka ek sama'n

wo din.. wo raat ab kaha'n

wo pehle wali baat ab kaha'n..

-Junaid