Monday, 5 February 2018

wo ek shakhs tha..

ye kya hua do lamho’n me sab kuchh bikhar gaya!!
koi shakhs dil ke tukdon pe hokar guzar gaya!!
sab kuchh luta luta sa bikhra yahan wahan......
jaise kisi chaman se tufaan guzar gaya !!

ghuti ghuti si aahen bhi khaamosh ho gayin!!
hairatzadah nigaah bhi kuchh door tak gayi...
chaaha bahot ke rok lun,
aawaaz doon use..
khud badhke haath thaam loon,
jaane na doo'n use!!
lekin tamaam koshishen nakaam ho gayin


laga jase sab kuchh tham sa gaya ho!!
waqt jaise lamhon me jam sa gaya ho !!
zubaan per k jaise qufl lag gya ho!!
Jism jaise jaan se juda ho gaya ho!!


Ujaaley sath apne liye jaa rha tha…
Andhera nigaahon me gehra rha tha..
Sar-e-raah saaya sa lehra raha tha
wo ek shakhs tha....jo chala ja rha tha...!!